sebelum lanjut nulis sampai ke bawah sedikit penjelasan aku ini gadis semende tunggu tubang, endung pule tunggu tubang, nining pule tunggu tubang, lah anak tue, lah cucung tue pule jadilah aku ini gadis tunggu tubang beturut-turut.
kate jeme ame tunggu tubang tu kah semangai idupnye karene banyak rete warisan njak jeme tue.
nah aku bepikir ape cuma itu saje pengertian tunggu tubang selame ini? banyak kejadian anak tue betine ye lah nganggau laju huma jadi hak milik die, kebun gak rete ye lain jadi miliknye, nah kah makmane ayapan endung bapangnye ye masih idup, ading-adingannye ye nak idup pule, ape kah ditelantarkah saje? ade banyak kejadian endung bapangnye harus mbuat huma agi yang huma lame ndik anak betinenye, nah inilah kesalahan pertame mengartikah tunggu tubang.
sebelum lanjut agi, jeme semende itu banyak dikatekah "jemsbon" jeme semende besak dikebon, nah inilah ye njadikah jeme semende itu banyak rete warisan, huma besak panjang, sawah libae, kebon behektar-hektar dik bedie jeme semende ye dulunye dikbekebon. mbakini saje banyak yang lutak lantung ame kate uhang jeme semende palak taguk besak pi`il dik tehingat gak bay keting agi dik galak ngiat agi mentang-mentang banyak warisan sawah, kebun dll dan akhirnye tejual gale ndik kehidupan.
lanjut agi ke semende tunggu tubang, semende tunggu tubang adelah anak betine ye tertue. ngape nak betine? inilah ye selalu dipertanyekah li banyak jeme, ngape bukan bugae? secare psikologi ame anak tue betine die lebih bersifat mengayomi e adingannye, selain itu betine tu lebih dewasa dalam berpikir, care pandang idupnye menyeluruh ndik kenyamanan sekeluarge besak...nah ame ade anak tue gi mikirkah dirinye sendiri itu harus dipertanyekah jeme semende nian bukan?
ame ade anak tue nelantarkan endung bapangnya, pantas dide die dianggap jeme semende?
kite lanjut agi, rete ye dibagikah li jeme tue itu baik berupa huma, sawah gak kebun bemakna:
1. huma: ndik nampung bekumpulnye sedakde keluarge besak (terkenal jeme semende dulu banyak anak) bukan ndik ngidupi lakinye saje ame die lah bekeluarge, ame die dide nyaman sehuma gak endung bapangnye au die ye ngalih mbuat huma agi bukannye malah nendang endung bapangnye keluae njak huma itu.
2. sawah: tunggu tubang harus sanggup nanggung makan seluruh keluarge besaknye (ame ade sanak keluargenye ye diktebeli behas agi, tunggu tubang harus mertahatikanye dan menuhi kebutuhan hidupnye)
3. kebon: anak tunggu tubang nak begiat begawi, dulu anak tue tu lah ajaknye li jeme tue ngurus kebun jadi die lah tebiase ngurus kebun mbatak sengkuit, mbatak pisau dan hasilnye kele ndik e adingannye sekulah.
sebeneranye ame dipikir-pikir kanye lemak jadi tunggu tubang karene tanggungan idupnye banyak. anye pergeseran makna semende tunggu tubang ini cuma dibatasi di rete saje, dide ke yang lainnye.sedangkah dalam aturan islam pembagian rete warisan anak bugae due kali lipat di anak betine. inilah pule ye ngakibatkan ade istilah "meraib" yaitu mamak`an atau wak`an ye nak nguasei rete milik tunggu tubang. meraib ini terjadi karene rete tadi dikuasei li tunggu tubang tanpa die menghiraukah kehidupan ading-adingnnye.
nik mahami ye dimaksud gak rete ade pengertian yang berbeda yaitu rete warisan dan rete yang diwariskan.
rete warisan: ame istilah jeme kite pusakenye dimane sedakde rete ye dipusakekah ke semende tunggu tubang ini bukan ndik dijual, rete ini harus dijage, dipelihare, dikembangkah, diolah ame ye pacak diolah semacam kebun gak sawah ndik kehidupan sesame
rete ye diwariskah: adelah rete ye belum diwasiatkah dan ditinggalkah li jeme tue ye harus dibagi sesuai dengan hukum islam.
inilah kesalahan ye hapat terjadi pencampuran antare rete warisan dan rete yang diwariskan. semende tunggu tubang lupa diri.
pergeseran makna tunggu tubang ye sebenarnye inilah ye banyak jeme nak ninggalkan adat ini, tunggu tubang dide njalankan fungsinye ngikuti petunjuk adat ye sebenarnye, tunggu tubang pule "gile" rete. tunggu tubang ame lah belaki gak ade anak dik tehingat gak tugasnye ngidupi ading-adingan...
adat bukan ndik ditinggalkan, adat bukan ndik dirubah, adat sesuai syari`at islam ame dijalankah kah mbuat semangai, anye ame disalah gunekah mbuat lak-lak.
tunggu tubang: badah balik. badah balik sape? badah balik ruguk kampuh setungalan.
dalam sebuah tulisan karya tulis jeme dituliskan didalam abstraknye: tunggu tubang diberi hak untuk memakai, menempati, memelihara dan mengambil hasil dari harta pusaka peninggalan orang tua dan bahkan leluhurnya tetapi tidak berhak menjualnya karena harta tersebut adalah warisan sekeluarga besar. inilah peranannye tunggu tubang itu ndik mempertahankah sumberdaya ye ade.
tulisan berlanjut dgn pengertian semende ye selame ini masih banyak salah kaprah ye menganggap jeme semende itu menganut matrilinear menggambil garis keturuan ibu......nantikan tulisan selanjutnya :)
tulisan disadur dari berbagai sumbet semende tunggu tubang
Tidak ada komentar:
Posting Komentar